Persóndátupolitikkur hjá Kitt

1. Inngangur

Endamálið hjá Kitt.fo er at veita søkjandi eina góða og lætta atgongd til allar leigubústaðir í Føroyum. Samstundis at veita útleigarum bestu fyritreytir, at skjótt og lættliga finna best hóskandi leigaran til sína ogn. Vit taka viðgerð av tínum persóndáta í størsta álvara. Vit viðgera tínar persóndátaupplýsingar eftir persóndátulógini. Her kanst tú lesa um okkara persóndátupolitikk, sum er galdandi, tá tú brúkar www.kitt.fo.

2. Soleiðis savna og viðgera vit upplýsingar um teg, tá ið tú vitjar okkara heimasíðu

Okkara heimasíða savnar sjálvvirkandi ávísar upplýsingar um teg, t.d. tína IP-adressu, økið hvaðani tín telda ella eind bindur seg í alnetið, hvønn kaga og hvørja stýrisskipan tú brúkar, og upplýsingar um, hvussu tú brúkar heimasíðuna, undir hesum hvørjar undirsíður tú vitjar. Vit brúka upplýsingarnar til at tillaga og menna heimasíðuna, so hon nøktar tørvin hjá teimum vitjandi. Vit kunnu eisini brúka tína IP-adressu til at greina rák, spora, hvussu tú brúkar heimasíðuna og til at savna yvirskipaðar demografiskar upplýsingar, sum vit brúka til at greina tørvin hjá vitjandi á heimasíðuni.
Tá tú skrásetur teg sum brúkara á síðuni, savna vit upplýsingar, sum tú upplýsir. Alt eftir hvat fyri brúkari tú ert, savna vit ymiskar upplýsingar. Niðanfyri er nágreinilig uppseting av, hvat fyri upplýsingar vit innsavna og viðgera.

Søkjandi
Um tú ert ein, sum leitar eftir ogn, innsavna vit nakrar kravdar upplýsingar og nakrar ikki-kravdar upplýsingar.
Kravdar upplýsingar fevna um navn og teldupost. Ikki-kravdar upplýsingar fevna um: Vangamynd, Facebook URL, húsarhald (vælmøguleikar: maður/kona/familja/vinir/ynski ikki at upplýsa), inntøkugrundarlag (vælmøguleikar: lesandi/arbeiði/eftirløn/ikki í arbeiði/ ynski ikki at upplýsa), lívsstílur (vælmøguleikar: royking/húsdjór/bil), føðingardagur og húski (navn, aldur og hvat tilknýti tey hava til tín, td. sonur/maki).

Útleigari
Um tú ert ein, sum útleigar, innsavna vit somuleiðis nakrar kravdar og nakrar ikki-kravdar upplýsingar. Kravdar upplýsingar fevna um: Navn, teldupost og tlf nr. Ikki kravdar upplýsingar fevna um: Vangamynd, Facebook URL.

Ogn
Tá útleigari ynskir at leiga eina ogn út, eru eisini nakrar kravdar og nakrar ikki-kravdar upplýsingar, sum útleigari skal upplýsa um sína ogn. Kravdar upplýsingar fevna um: Slag (hús/íbúð/tvíhús/frítíðarihús/høli), gólvvídd, tal av kømurum, stað (bygd/býur), leigutíðarskeið (undir 1 ár, millum 1-2 ár, yvir 2 ár), prísur, depositum, innflýting (dato/skjótast gjørligt), adressa og mynd/ir av ogn. Ikki kravdar upplýsingar fevna um: Hentleikar (privat parkering/royking loyvd/húsdjór loyvd/vinarligt hjá rørslutarnaðum)

Listin
Ein søkjandi kann melda seg til listan. Sostatt kann viðkomandi skráseta síni ynskir um ogn. Slag (hús/íbúð/tvíhús/frítíðarihús/høli), minsta tal av kømurum, stað (bygd/býur), maks prísur. Um ein brúkari keypir sær hald, nýta vit QuickPay til keyp. Sostatt goymir Kitt ikki upplýsingar um gjaldsmiðil, t.d. kortnummar. Tað er neyðugt, at vit savna og viðgera omanfyrinevndu upplýsingar, fyri at vit kunna útinna ta tænastu, vit bjóða.

2.1 Vit savna, viðgera og goyma einans neyðug persóndáta

Vit savna, viðgera og goyma einans persóndáta, sum hevur týdning í samand við at røkka endamálinum við heimasíðuni ella nágreiniligum endamáli sum til dømis at gera ein sáttmála. Vit savna einans dáta, sum tú upplýsir okkum við at fylla út á síðuni, sendir til okkara eftir umbøn frá okkum ella samskiftir við boðskipanini á síðuni. Vit savna, viðgera og goyma persóndáta sambært persóndátulógini.

2.2 Møgulleiki fyri at kanna og broyta tínar upplýsingar

Tað er umráðandi, at tað dáta, vit savna, hvørki er skeivt ella villeiðandi. Inni á kitt.fo hevur tú møguleika at kanna eftir, um tínar upplýsingar eru rættar. Eisini kanst tú broyta ella strika hesar upplýsingar. Tú kanst tó ikki strika ella broyta kravdar upplýsingar, sum skapa grundarlag fyri tínum brúkara. Um tú ynskir at strika brúkaran, skalt tú skriva eini boð til okkara á teldupost kitt@kitt.fo.

2.3 Persónupplýsingar frá sosialum miðlum

Tú hevur møguleikan at rita inn umvegis Facebook. Gert tú tað, fáa vit upplýsingar sum til dømis navn og vangamynd. Tað er ikki neyðugt at nýta hesa tænastu fyri at nýta Kitt. Tú kanst eisini stovna brúkara við at upplýsa teldupost tín á síðuni.

2.4 Vit biðja um títt samtykki, áðrenn vit viðgera títt persóndáta

Áðrenn vit savna títt persóndáta, skulu vit hava samtykki frá tær. Vit savna og viðgera einans persóndáta,fyri at røkka endamálinum, sum er lýst omanfyri. Samtykki er valfrítt og tú kanst til eina og hvørja tíð taka samtykki aftur við at skriva til okkara á kitt@kitt.fo. Um vit ynskja at brúka tínar persónupplýsingar til annað endamál enn tað, sum var avtalað framanundan, verður tú kunnaður um hetta og biðin um at samtykkja, áðrenn vit kunnu viðgera hetta dáta.

2.5 Vit geva ikki persóndáta víðari uttan títt samtykki

Tann dáta, tú upplýsir á tínum vanga, verður sjónlig hjá útlegiara av tí ogn, tú hevur víst áhuga fyri (sent umsókn til). Hetta er grundarlagið fyri síðuni, og soleiðis kann ein útleigari velja teg sum leigara og kann seta seg í samband við teg.

Um vit skuldu víðarigivið títt persóndáta til samstarvsfelagar ella aðrar aktørar, sum til dømis marknaðarføring, savna vit samtykki frá tær og upplýsa, hvat dáta verður brúkt til. Vit biðja tó ikki um títt samtykki, um vit eru lógarbundin at geva persóndáta til myndugleika í samand við rættarmál.

3. Samtykki

Talan er um ymiskt samtykki, alt eftir hvat fyri ein brúkari tú ert.
Tá tú samtykkir handilstreytir, samtykkir tú tær grundleggjandi fyritreytir, sum skulu til, fyri at tín brúkari kann virka. Hetta umfatar:

  • Teldupost til faktura av gjaldi
  • Teldupost til at vátta avtalur
  • Teldupost til at skifta loyniorð
  • Teldupost til útleigara til at áminna um neyðuga kunning (til dømis um ognin hjá útleigara liggur leingi úti og illgruni er um, at ognin longu er útleigað)
  • Annan teldupost, sum er neyðugur fyri, at tú kanst halda fram við at nýta tín brúkara.

  • Harumframt góðtekur tú at:
  • Útleigari kann ringja/skriva til umsøkjara
  • Kitt gjøgnumgongur upplýsingar um eina ogn, áðrenn hon verður løgd út á kitt.fo. Um Kitt hevur illgruna um villur ella um, at ognin er følsk, kunna vit seta okkum í samband við útleigaran ella strika ognina.

  • Tú kanst sum søkjandi velja at koma á Listan. Hesin listin gevur útleigarum atgongd til tín vanga. Um tú ikki ynskir hetta, skalt tú ikki nýta hesa tænastu.
    Tú kanst velja at fáa tíðindabræv. Her senda vit kunning um ymiskt, til dømis tíðindi innan bústaðarmarknaðin í Føroyum. Um tú ikki ynskir hetta, skalt tú ikki nýta hesa tænastu.

    Tú kanst sum søkjandi velja at koma á Listan. Hesin listin gevur útleigarum atgongd til tín vanga. Um tú ikki ynskir hetta, skalt tú ikki nýta hesa tænastu.
    Tú kanst velja at fáa tíðindabræv. Her senda vit kunning um ymiskt, til dømis tíðindi innan bústaðarmarknaðin í Føroyum. Um tú ikki ynskir hetta, skalt tú ikki nýta hesa tænastu.

    4. Kennifílar (Cookies)

    Um vit seta kennifílar (cookies), verður tú kunnað/ur um, hvat vit brúka tær til og endamálið við at savna dáta umvegis kennifílar. Áðrenn vit innføra kennifílar á tína tøkni, verður tú biðin um at samtykkja tær. Tú kanst samtykkja allar ella kravdar kennifílar.

    5. Endamál

    Endamálini við viðgerð av persóndáta eru hesi:

  • Fremja eina væl eydnaða leiting av ogn. Stovna vanga fyri at tann søkjandi kann framstanda týðuliga og so gott sum gjørligt.
  • Stovna vanga fyri at tann søkjandi kan framstanda klárt, tíðuligt og so gott sum gjørligt.
    Seta seg á Listan soleiðis at tann søkjandi kann fáa best líkindi at fáa røtt og skjót tilboð um leigumál.

  • Fremja eina væl eydnaða útleigan av ogn.
  • Stovna og upplýsa neyðugar upplýsingar um ognina.
    Atgongd til Listan av søkjandi, fyri at finna skjótari fram til best hóskandi leigara.

  • Bjóða tænastu í samband við útleigan og leitan.
  • Ráð og vegleiðing í samband við ávísar leitingar/útleigingar.
    Upplýsingar um leigumarknaðin, lóggávu o.s.fr.
    Gera leigusáttmála.

    6. Profilering

    Við at stovna ein brúkara sum søkjandi á kitt.fo, gert tú sjálv/ur av, hvørjar ikki-kravdar upplýsingar tú upplýsir.
    Tað eru tveir hættir, hvussu tú kanst koma í samband við ein útleigara. Manuel profilering er, tá ein útleigari skal velja ímillum tey, sum hava víst áhuga í hansara ogn. Automatisk profilering er millum annað, tá ein søkjandi skrivar seg upp á Listan. Her velur tann søkjandi hvat fyri slag av ogn, stað, stødd og kostnaðarstøði hóskar sær best. Herfrá verður søkjandi “matchaður” við ein útleigara sum hevur eina ogn, sum hóskar til hesi ynskir.
    Kitt tilskilar sær rætt at burturvísa brúkara, ið vit meta ber ósømiligan atburð, so sum at gera mismun.

    7. Trygd

    Fyri at verja teg ímóti at óviðkomandi hava atgongd til tínar persónupplýsingar, hava vit ment eina serstaka undirsíðu til okkara starvsfólk. Henda síðan ger, at starvsfólk hjá Kitt einans fáa upplýst viðkomandi upplýsingar. Hetta minkar um vandan, at upplýsingar koma óviðkomandi og óneyðuga nógvum í hendi. Vit hava skipaðar mannagongdir um, hvussu vit skulu handfara títt dáta. Millum annað hava vit eina mannagongd um skriviborðseftirlit.

    7.1 Vernd av tínum persónupplýsingum

    Atgongd til tínar persónupplýsingar er avmarkað til bert at fevna um starvsfólk, sum í sambandi við ítøkiligar starvsuppgávur hava tørv á hesum. Øll starvsfólk fáa undirvísing í kunningartrygd og viðgerð av persónupplýsingum, so tey skilja týdningin av, at persónupplýsingar verða vardar.

    8. Samstarvsfelagir

    Vit senda einans upplýingar til okkara samstarvsfelagar, sum tú hevur givið samtykki til, ella um tað er ein samstarvsfelagi, sum er grundleggjandi neyðugur fyri, at vit kunna virka sum fyritøka.

    8.1 Dátuviðgerar hjá Kitt

    Fyri at kunna veita bestu tænastu til tín, nýta vit fylgjandi dátuviðgerar sum fylgja GDPR reglunum.

  • Google Analytics
  • Facebook
  • LinkedIn
  • Azure Pipelines
  • Azure Boards
  • Azure Pepos
  • Azure Web Service
  • 8.2 Servari

    Vit nýta Microsoft SQL Server til at goyma dáta inni á. Microsoft hevur váttað at halda seg innan fyri GDPR reglugerðirnar.

    9. Triðjalond

    Vit senda ikki persóndáta til nakað triðjaland.

    10. Striking

    Vit goyma tínar persónupplýsingar so leingi, tað er neyðugt fyri at røkka endamálinum at halda sáttmálar, ella so leingi sum kundasambandið ella samstarvið er virkið.

    Rættur at blíva strikaður. Tú kanst byrja eina tilgongd, har tín brúkari verður strikaður. Um tú ikki hevur hald, kunna vit byrja strikanartilgongdina beinanvegin. Henda tilgongd kann taka upp til 30 dagar.
    Kitt strikar ikki teldupostar, sum longu eru sendir.
    Kitt strikar ikki persóndáta í dulnevndum ella bronglaðum formati.
    Samskifti við Kitt, sum umfatar kundatænastu, verður ikki strikað.

    11. Tíni rættindi

    Rætturin til innlit
    Tú kanst fáa innlit í tær persónupplýsingar, sum vit hava skrásett, hvørjar upplýsingar talan er um, hvaðani tær koma, hvat vit brúka tær til, hvussu leingi tær verða goymdar, um vit lata tær víðari – og í tí føri til hvønn - og hvørjar trygdarfyriskipanir eru settar í verk. Tín rættur til innlit kann vera avmarkaður við lóg, ella í tann mun títt innlit í ávísar upplýsingar hevði gjørt seg inn á rættindi hjá øðrum.

    Rætturin til átalu
    Tú kanst átala, at persónupplýsingar um teg verða viðgjørdar. Um átalan er heimilað, hevur hon við sær, at viðgerðin av upplýsingunum verður steðgað.

    Noktan av beinleiðis marknaðarføring
    Tú kanst nokta okkum at brúka tínar persónupplýsingar til beinleiðis marknaðarføring.

    Rætting ella strikan av upplýsingum
    Um tær upplýsingar, sum vit viðgera, eru skeivar, ófullkomnar ella óviðkomandi, hevur tú, við teimum avmarkingum, sum eru í galdandi lóggávu, rætt til at krevja, at vit rætta ella strika upplýsingarnar.

    Afturtøka av samtykki
    Tú kanst taka eitt samtykki aftur, sum tú hevur latið okkum. Um tú afturkallar eitt samtykki, kann tað hava við sær, at vit ikki eru før fyri at bjóða tær ávísar tænastur ella veitingar longur. Tá ið tú tekur eitt samtykki aftur, verður viðgerðin av viðkomandi upplýsingum steðgað.

    12. Samband og kæra

    Tú ert vælkomin at seta teg í samband við okkum, um tú hevur spurningar um tíni rættindi, ella um hvussu vit viðgera tínar persónupplýsingar.


    Teldupostur: kitt@kitt.fo

    Tú kanst eisini lata Dátueftirlitinum klagu á dat@dat.fo

    An error has occurred. This application may no longer respond until reloaded. Reload 🗙