Handilstreytir fyri at nýta Kitt

1. Inngangur

Vælkomin á Kitt.fo. Endamál okkara er, at gera tað einfalt og lætt hjá útleigarum at finna ein leigara og hjá søkjandi, at finna eitt leigumál Kitt verður nýtt av:
• Útleigarum, persónum ella fyritøkum, sum útleiga eina ella fleiri ognir.
• Søkjandi, persónar ella fyritøkur, sum leita eftir leigumáli.
Vit dagføra javnan mannagongdir og handilsstreytir undir hesum Persóndátupolitikki og kennifílar (cookies).

1.1 Brúksrættur

Upplýsingarnar, tú ritar inn við, eru persónligar og skulu ikki koma øðrum í hendi, lánast ella seljast til onnur. Tað er ikki loyvt at geva øðrum upplýsingar, sum tú hevur atgongd til á tínum innritaða brúkara, til dømis upplýsingar um søkjandi ella útleigara. Fyri at stovna brúkara á Kitt skalt tú hava fylt 18 ár. Brot á brúkstreytir kann enda við burturvísing frá Kitt.fo uttan endurgjald.

1.2 Innanhýsis samskifti

Útleigarar og søkjandi kunna ókepyis samskifta umvegis boðskipanina um eina ávísa ogn. Hetta samskifti skal ikki hava í sær tilboð ella krøv um aðrar tænastur ella vørur.

1.3 Savnan, goymsla og strikan av persóndáta

Les meiri um, hvussu vit viðgera títt persóndáta á undirsíðuni Persóndátupolitikkur.

1.4 Samtykki og reglur

Les meiri um samtykki á undirsíðuni Persóndátupolitikkur. Her kanst tú lesa um reglur viðvíkjandi at melda til og melda av teldupost.

2. Søkjandi

2.1 Yvirskipaðar treytir fyri søkjandi

Sum søkjandi kanst tú gera ein vanga, sum einans verður vístur fyri útleigarum av ognum, sum tú vísir áhuga fyri. Tú kanst altíð broyta upplýsingarnar á tínum vanga. Hevur tú Pluss hald, kanst tú velja, at útleigarar við ognum, sum passa til tíni ynskir, síggja tín vanga og seta seg í samband við teg beinleiðis. Harafturat kanst tú velja at fáa teldupost hvørjaferð ein ogn kemur út, sum passar til tíni ynskir. Tá tú gert ein brúkara á Kitt, koma undirsíður sum kunna finnast á Google og øðrum leitimaskinum, sum kunna finna upplýsingar um teg.

2.2 Brúksrættur

Innritannar upplýsingar eru persónligar og skulu ikki koma øðrum í hendi. Ein brúkari við haldi gevur tær betri atgongd og ger teg meiri sjónligan. Tú hevur einans loyvi at søkja eftir leigumáli til tín og títt húski. Ert tú ein fyritøka, kanst tú søkja vegna tína fyritøku. Tað er altso ikki loyvt at søkja vegna onnur ella geva tínar innritannar upplýsingar til onnur.

2.3 Iðranarrættur

Eftir at tú hevur tekna haldið, hevur tú 14 dagar iðranarrætt, sum einans er galdandi, um tú ikki hevur nýtt tænastuna og treytað av at tú setur teg í samband við okkum innan 14 dagar eftir keyp. Um tú hevur útfylt ynskir, sent umsókn ella útleigað leigumál, hevur tú nýtt tænastuna og iðranarrætturin fellur burtur. Iðranarrætturin verður ikki endurnýggjaður, um haldið verður endurnýggjað. Orsøkin til hetta er, at talan er um somu tænastu við leypandi gjalding av haldinum.

3. Útleigari

3.1 Yvirskipaðar treytir fyri útleigara

Vit á Kitt lesa og góðkenna øll leigumál ígjøgnum, áðrenn vit leggja tær út á Kitt. Við at stovna eitt leigumál á Kitt, gevur tú okkum samstundis loyvi til at lesa upplýsingarnar ígjøgnum. Harafturat kunna vit broyta skeivar ella ólógligar upplýsingar og seta okkum í samband við teg viðvíkjandi spurningum.
Tá tú stovnar eitt leigumál á Kitt, skalt tú upplýsa okkum adressuna á leigumálinum. Harafturat skalt tú upplýsa títt fulla navn, adressu, tlf nummar og teldupost. Um hesar upplýsingar ikki eru okkum í hendi, kunna vit ikki góðtaka stovnanina av leigumálinum.
Vit loyva ikki, at ein útleigari upplýsir sínir samskiftisupplýsingar á lýsingini, til dømis tlf nummar, teldupost ella líknandi. Hesar upplýsingar verða strikaðar, áðrenn vit góðkenna lýsingina. Tá tú stovnar eitt leigumál á Kitt, skal hetta hoyra til eitt einkult leigumál. Tað er ikki loyvt at stovna eina lýsing, sum er til fleiri leigumál. Eitt leigumál skal vanliga minimum útleigast í ein heilan mánað. Tað er ikki loyvt at seta eina ogn til leigu, har ætlanin er at finna ein keypara til ognina.
Kitt átekur sær rættin at burturvísa ella strika eina lýsing, uttan at útleigarin verður kunnaður um hetta. Sum útgangspunkt seta vit okkum í samband við útleigaran, áðrenn vit gera hetta. Tað er umráðandi at útleigari setur leigumálið sum útleigað, tá leigari er funnin. Tá leigumálið er merkt sum útleigað, er ikki gjørligt hjá søkjandi at senda fleiri umsóknir til leigumálið. Samstundis verða tey, sum hava víst áhugað, boðað frá, at leigumálið er útleigað.
Lýsingarnar fyri eitt leigumál verður goymt í 5 ár. Hereftir verða tær strikaðar. Tú kanst altíð stovna leigumálið av nýggjum. 30 dagar eftir at tú hevur merkt eitt leigumál sum útleigað, verða umsóknirnar og listin av áhugaðum strikað.
Um eitt leigumál ikki verður sett til leigu ein mánað eftir upplýsta innflytingardag, fært tú ein fyrispurning, um leigumálið er útleigað. Her skalt tú svarað ja ella nei. Um tú svarar ja, verður leigumálið sett sum útleigað. Um tú svarar nei, fært tú aftur eina áminning eftir einum mánað. Um tú ikki svarar hesum innan eina viku, verður leigumálið sett sum útleigað.
Tá tú gert ein brúkara á Kitt, koma undirsíður sum kunna finnast á Google og øðrum leitimaskinum, sum kunna finna upplýsingar um tína ogn, til dømis myndir av tíni ogn.

3.3 Brúksrættur og treytir hjá útleigara

Innritanar upplýsingar eru persónligar og skulu einans brúkast til at útleiga leigumál, sum tú umsitur. Tá tú stovnar eitt leigumál á Kitt, hevur tú ábyrgd av at dagføra upplýsingarnar. Her undir at seta leigumálið sum útleigað, tá leigari er funnin, ella um leigumálið ikki longur er til leigu. Tá tú góðtekur reglur og treytir, góðtekur tú, at vit brúka ella visa til títt leigumál í marknaðarføring.
Samskiftið við søkjandi skal snúgva seg um ávísa leigumálið. Tað er ikki loyvt at brúka Kitt til at flyta ella fáa kundar til aðra tænastur, til dømis heimasíður.

3.4 Mismunur og stoytandi atburður

Kitt tillutar sær rætt at burturvísa brúkara, ið vit meta ber ósømiligan atburð, so sum at gera mismun. Stoytandi atburður á Kitt viðførir burturvísing.

3.5 Lýsingarsamstarv

Tá tú stovnar lýsing á Kitt, góðtekur tú, at lýsingin verður víst og lýst aðrastaðni. Hetta er fyri at tryggja eina skjóta og úrslitagóða útleigan av tíni ogn. Tínir samskiftisupplýsingar verða ikki víðarigivnir. Kitt hevur lýsingarsamstav við Google, Facebook og LinkedIn.

4. Persóndátupolitikkur

Tá tú brúkar Kitt góðtekur tú, at tínir persónupplýsingar verða viðgjørdir eftir okkara persóndátupolitikki, sum kann lesast á Kitt.fo.

An error has occurred. This application may no longer respond until reloaded. Reload 🗙